ESCENA GALEGA (Asociación Galega de Empresas de Artes Escénicas) é a asociación de referencia para o sector profesional das artes escénicas en Galicia, creada en marzo de 2002 por iniciativa de 16 compañías de teatro. Actualmente somos xa 60 compañías e empresas produtoras as que formamos parte desta entidade, dende que no ano 2015 decidimos unir forzas para posicionar a asociación como interlocutora coas institucións e demais axentes do medio. O noso obxectivo é impulsar o desenvolvemento empresarial de cara á modernización do sector, sen perder a identidade das compañías como motores creativos das artes escénicas galegas.
A día de hoxe a entidade abrangue unha gran porcentaxe do sector escénico profesional galego, con proxectos de produción e creación moi diversos; teatro para infancia, mocidade e público adulto, monicreques, novo circo, danza e artes do movemento.
